Shillong:U Symbud myntri rangbah ka jylla u bah Prestone Tynsong, ha ka sngi nyngkong u la ong ba ynda u Myntri rangbah ka jylla u Conrad K Sangma, un wan bteng ia ka kam, un sa iakren ban pynbeit ban leit iakren ia ka sorkar pdeng halor ka jingdawa ban pyntrei kam ia ka Inner Line Permit ha la jylla.
Haba iakren bad ki lad pathai khubor u bah Prestone, u la ong ba ka Sorkar MDA ha u snem 2021 kan trei shitom ban pynurlong ia ki mat ki ba dang sahteng bad ban pyndep ia ki kam pynroi baroh ha ka jylla.
U la ong ba ha u snem 2021, yn ialeh ban trei shitom ban pynurlong ia ki resolution ki ba la pdiang hapoh ing dorbar thawain kum ka mat Inner Line Permit , ka MRSSA Amendment Bills bad ka jingpynrung ia ka ktien khasi bad Garo ha ka khyrnit ba phra jong ka Constitution.
U la ong ruh ba ka sorkar MDA kan trei shitom ban wad ia ki lad ki lynti ban weng shirta ia ki jingeh ha kaba iadei bad ka mat them metor, halor ban pynitynnad ia ka Barik point bad kumjuh ha kaba iadei bad ka mat khappud.
Phi don ban ong eiei?