Shillong 11 Rymphang: Ka Organising committee Jong ka Khasi Students’ Union Mawkhar Circle ha ka 11 Tarik Rymphang 2025, ka la ïoh ban pynher krad noh ia ki katto katne ki bar jylla ki ba wan trei be-aiñ khlem kino kino ki kot ki sla kiba biang, kiba trei ha Umsohsun.
Katba kine ki bar jylla ki ba wan trei bad sah ruh ha katei ka jaka ki dang song ia ki tum ki tam jongki ban leit Noh , la wan mih pynban da ki pulit ban khang lad ia ki dkhot jong ka Seng ha katei ka por bad ka la don ruh ka Jing ia pyn i Nia na ka liang ka seng bad ki pulit ba shaei ki jah ha kine ki taiew ba la dep ba shah pynthut ka iaid ka ieng jong ki paradoh parasnam ha kine ki juh hi ki bar jylla kiba sah bad trei hangne.
Ka KSU Mawkhar Circle ka la buh jingkylli ruh, ba balei ki pulit ki long pyrshah pynban ia ka jing shong shngaiñ ka shnong ka thaw.
Ha kine ki khyndiat taiew ba la leit ki Riew Paidbah ki la pyntip Sha ka Seng ba kine ki juh hi ki bar jylla kiba trei ba sah hangto, ba ynda lah miet ki ia dih ia bam bad ynda ki lah buaid ki pynthut ruh wat ia ka iaid ka ieng ki briew ba iaid na kato ka jaka, kaba lyngngoh mynta ka long shaei ki jah kita ki pulit ba don ka jingkitkhlieh ha kata ka por.
Ka kyrwoh kaba shai sha kino kino kiba pyrshang ban khang lad ia ka Seng ban kyndang ia kine ki buhai shnong, ka Seng kan ym sngap ïano ïano ruh bad kan iaid beit sha khmat khnang ba ka Ri bad ka Jaitbynriew kan shongsuk shongshngain.
Phi don ban ong eiei?