Yn ym ai NOC ka KHADC ia ka surok Wahkaji

Shillong,25 Naitung:
Ka KHADC ka la shim ia ka rai ban ym ai NOC da lei lei ruh ban pyntrei ia ka surok na Nongstoiñ –Wahkaji sha Mawthabah. Ia kane u bah Pynshngaiñ N Syiem u la kren shai ha ka jingialang bad ka National Highway Infrastructure Development Corporation (NHIDC) Limited kaba la long ha Delhi.
U bah Pynshngaiñ ryngkat u bah Hadrian Lyngdoh ki don ha Delhi ban ia kren ia katei ka surok bad la donlang ruh u nongiasaid jong ki u bah Erwin Sutnga. La ong ba ha katei ka jingialang u bah Pynshngaiñ u la pyni ia ki daw ba um patlah ban ai NOC namarba katei ka mat ka dang sah ha ka jingiakren namar ba ki la don bun ruh ki kynhun kiba pyrshah bad ka jingiakren ia katei ka kam ka dang iaid shakhmat.