Yn weng kam ka sorkar ia u pulit ba batbor kynthei

Shillong, 25 Nailur:
Ka sorkar jylla ka la don ka jingthmu ban pynduh kam noh ia u Sub inspector u Narul Islam, uba shah kynnoh leh beijot bad barbor ia ar ngut ki kynthei ha Ampati.
Haba pynthikna ia kane ha kane ka sngi Balang, u Director General of Police (DGP) u Bah Peter James Pyngrope Hahnemann u la ong ba ka hukum na ka sorkar ha kaba iadei bad ka jingweng noh na ka kam ia u Islam, kan sa mih la sngi Palei.
“Ngi la shim ia kane ka rai ban weng noh na ka kam ia u Islsam halor ki kyndon ba dei ban leh” la ong u Bah Hahnemann.
U la ong ba ki kam runar kiba la ujor pyrshah ia u Islam kin iaid beit shakhmat haduh ban poi sha kaba kut.
Ha kajuh ka por, ka thymmei khubor ka iathuh ba ka tnad pulit kaba pynlong ia ka jingshim kam ia une u pulit, kan iaid beit shakhmat.
Shwa ia kane, ki pulit ki la kurup ruh ia ka bak account jong une u pulit dakaid.
U Islam u la shah rah ha ka 1 tarik Jylliew halor ka jingkynnoh bal eh beijot ia ar ngut ki kynthei shipara ha Ampati, kaba dei ka constituency u Myntri Rangbah Mukul Sangma. Hynrei, u Islam u la lait phet na jaka buh ia u ha Tura, West Garo Hills.