Shillong: Ka UDP kawei na ki seng riewlum ba heh tam ha ka jylla, kala don ka jingpynkhreh ban pynkhlain ia ka party da kaba wanrah ia ka rukom treikam kaba kham bha bad kham janai.
Ka UDP kan sa jied ia ki nongkitkam thymmai ha u Nailur jong mynta u snem, bad la sngewthuh ba kan don ka jingiapyrkhat na ka bynta ban pynwandur bha ia ka party da kaba wanrah ia ki rukom treikam, ki mat kiban iadei bad u paidbah ka jylla.
Kumba ka long haduh kine ki sngi, ka UDP ka don shibun ki jingdkoh ha ka rukom treikam jongka namar ba ki dang bud sah ia ka rukom treikam kaba naduh kham mynshwa katba ka por ka la kylla sha ka juk thymmai.
Haba iakren bad u General Secretary ka UDP u Dr Jemino Mawthoh u la kubur ba ka don ka jingdkoh ha ka rukom treikam ka party bad ka donkam ban bsuh ban phrung da ki rukom treikam kaba kham biang ban pynkhlain ia ka party.
“Kum ka party ka donkam ban don ki mat treikam ba biang, ki nongrim, ki thong”, la ong u Dr Jemino.
U la ong ba ka party ka dei ban long kaba itynnad bad kaba khring ia ki samla, ia ki rangbah lyngba ki mat ki thong.
“Ngi donkam ban kham jylliew kumno u paidbah u kwah ha jylla. Kaei kaba bha eh ban buh ia ka thong”, la ong u Dr Jemino bad u la bynrap, “Ngi hap ban pynkhlain ia ka party ne party organisation”.
U la ong ki paidbah ka jylla ki dang nud naduh ka jingioh ka jylla riewlum ka Hills State naba kiwei ki party kum ka Congress ka hiar ha ka ri bad ka BJP ym pat don ba pdiang bad tang ka UDP ne NPP ba ki paidbah ki don ban jied.
U la bynrap, “Ka jingiakhun mynta ka long hapdeng ka UDP bad NPP ha ka jylla bad ym don kumwei”.
Lad ki mla bad mdc udp baroh ki nud ba dawa ba dei ban pyntrei kam iaka ilp te kyrmen kan kiew bha namar baroh ki paidbah ki kwah iaka ilp ka ain ban iada
iaka jaidbynriew 7trep , lada kim nud te u paidbah u tip khambha lano bn jied. mynta ka udp ka ioh ka lad ba biang bn dawa .lada ka pynsepei te ka shong haka udp hi ,u paidbah baroh u leit sha ka udp mynta aiu kan leh naka bynta ka jaidbynriew
,