Yn wanrah nongtrei nabar jylla, ban maramot ia ka surok national highway ha ka jylla

Shillong: U symbud myntri rangbah ka jylla, u bah Prestone Tynsong u la iathuh ba ka sorkar jylla ka la shah ia ka National Highway Authority of India (NHAI) ban wanrah nongtrei nabar ban iarap ha kaba shna ia ka surok bah national highway haka jylla.

U bah Prestone Tynsong u la iathuh ba ki nongpyniaid jong ka NHAI ki ladep iakynduh shen bad u ban iakren halor kane ka bynta.

“Ki nongtrei ki dei ban wan trei ha ka por mynsngi bad ki hap leit phai noh ha ka por janmiet,” u la ong.

U la iathuh ba ka NHAI kan buh ia ki nongtrei jong ki ha Guwahati bad ki hap ban bud ruh ia ki kyndon bad ki hukum ka sorkar lyngba ka SOPs.