Shillong:U symbud myntri rangbah ka jylla u bah Prestone Tynsong myn hynnin ka sngi u la iathuh ba 2 tylli ki Rel bala mang kyrpang ka sorkar Meghalaya ki la mih napoh ka jylla Andhra Pradesh bad Rajasthan kiba wankit iaki samla ka jylla.
Naka liang u bah Prestone Tynsong u la iathuh ba ka rel kaba mih na Andhra Pradesh kan pynpoi 317 ngut ki samla katba ka rel na Rajasthan kan kit 150 ngut ki samla ka jylla.
Nalor kane u Bah Prestone Tynsong u la iathuh ruh ba sa 2 tylli ki Rel na Delhi bad na Kerala kin mih haka 27 tarik jymmang 2020 bad la kyntu iaki samla ka jylla ba kin phone haki nomber 011-23014341, 011-23014451, 011-23015130 bad 9968262299 naka bynta ban ioh jing iarap ban wanphai sha Meghalaya.
Kumban shu pynkynmaw kila don kumba 10,000 ngut ki samla kiba sahkut sha kiwei pat ki jylla ka ri India kiba la wanphai sha Meghalaya.
U symbud myntri rangbah u bah Prestone Tynsong u la iathuh ruh ba haduh mynta kila don kumba 6553 ngut kiba la phah eksamin bad 5599 ngut kidei ‘Negative’ bad sa kumba 939 ngut ka kaiphod kam pat mih re.
Naka liang u myntri rangbah ka jylla u Conrad K Sangma u la iathuh ba baroh ki samla ba wanphai sha Meghalaya kidei ban shah eksamin naduh ka ‘Thermal Testing’ ka ‘Rapid Test Kits’ bad lyngba ka ‘PCR Test’ naka bynta ban pynthikna iaka jing don ka jing pang’corona virus’hapoh ka met jong ki.
Phi don ban ong eiei?