Shillong: Mynta ka sngi ka 22 tarik u Rymphang 2021, u Symbud Myntri Rangbah jong ka Jylla, u Bah Prestone Tynsong u la ong ba u Amit Shah u ba dei u Myntri Ki Kam Pohiing ka Ri, u khlem shem la ong satia ba ka Meghalaya ka kwah ban pyntreikam ia ka ILP, ha ka jylla bad pynduh noh ia ka Sixth Schedule ne ka kwah ban ioh ia ka ILP bad pynduh noh ia ki Autonomous District Council ha Meghalaya; ha ka jingiakynduh ba dang shen ha Delhi bad u Myntri Rangbah ka Jylla, u Conrad K Sangma.
Haba kren sha ki lad pathai khubor, u Bah Prestone u la ong, “Ha kato ka sngi ba ngi iakynduh ia u Myntri Ki Kam Pohiing Ka Ri ryngkat ka jingdon lang jong katto katne ngut ki heh ophisar jong ka Sorkar, haba ngi la iakren sani bha shaphang ka ILP kaba long ka mat kaba nyngkong bad kaba ar shaphang ka MRSSA, te kumta na ka liang jong ngi, ngi la kyrpad ia u ba un pyllait por khnang ban wan iakynduh ia ki sengbhalang jong ngi kiba kwah ban iakynduh ia u. U la ong ba un sa wan hi dalade sha Shillong ban iakren halor kane ka mat bad un sah kumba ar sngi eiei ha u bnai Lber.”
Shuh shuh u Bah Prestone, u la ong ba kata ka jingong u Amit Shah ba la mih ha ki lad pathai khubor kam dei satia kaba shisha hynrei u Bah Prestone u la ong ba ngin iai ap shwa ia ka jingwan jong u Amit Shah sha Shillong ban iashong bad iakren sani bha halor ka ILP.
Kata kamut kham donbor ki sengbhalang ne tlot ka sorkar ban pynbor ia Amit Shah ban ai ILP