Yn wad jaka thymmai, ban theh niut ha Jaintia hills

Shillong:Ka Sorkar Jylla ka lah ban pynmih jingpynbna thynmai ban wad bad thied jaka na ka bynta ban pynlong jaka theh ñiut ka sor Jowai. U Symbud Myntri Rangbah ba khmih ïa ka tnat pynroi sor, Bah Sniawbhalang Dhar, ha ka sngi palei, ula ong ba ka tnat kan sa pynmih jingpynbna biang bad ki trai jaka ki la phah ïa ki jing tyrwa jong ki. “Hynrei, bun na ki jaka ki dei ki bym ïahab ban pynlong ki jaka theh ñiut,” ong u Bah Sniawbha haba ïakren bad ki nongthoh khubor.

Ula pyntip ruh ba ka tnat kan sa pynbna noh mardor ïa u Chairman ba thym mai jong ka Jowai Municipal Board (JMB). U Bah Sniaw bha ula ong ba un sa shim rai hapoh kane ka taïew halor kane ka kam. “Lada ki aplike shon ba la ïoh kim ïahab satia, ngan pynmih da kawei ka jingpynbna ban thied jaka,” ula ong haba bynrap ba ïa kum kane ka rai un sa shim ruh haba ïadei bad ka Marten ha Mawlai Mawïong.