Yn ujor ia ka facebook page, ba pynthoh bria ia ka tnat pulit ka jylla

Shillong: Ka tnat pulit ka jylla kan ujor pyrshah ia u trai jong kawei ka ‘facebook page’ ba tip kum ka ‘Khasi Paka’ ka ba la pyn thohbria ia ka tnat pulit ka jylla da kaba pynmih paidbah ha ka facebook da ka ba kynthoh ba ki pulit ka jylla kin kem ia kiba pyrshah CAA bad ia kiba dawa ILP hapoh ka jylla.

U Assistant Inspector General of Police (A) u G.K Iangrai u la ong ba ka la don ka jing pynthoh bria ia ka tnat pulit jong ka jylla Meghalaya da kawei ka ‘facebook page’ ka ‘Khasi Paka’ da ka ba pyndonkam da u ‘logo’ jong ka tnat pulit ka jylla ban saphriang ia kawei ka khubor ba ki pulit ka jylla kin kem ia ki ba pyrshah CAA bad ia ki ba dawa ILP hapoh ka jylla hapoh kawei ka ‘facebook page’ “Ka Sur U Paidbah”.

Halor kane ka tnat pulit ka jylla kan ujor pyrshah ia ki trai jong ki facebook page kata ka ‘Khasi Paka’ bad ka ‘Ka Sur U Paidbah’.