Shillong:U Conrad K Sangma, myntri rangbah ka Jylla, ula pynbna ia ka jingsdang ban pyntrei kam noh ia ka skhim sam um jong ka Tura Phase I and II, ha kaba la don lang U Bah Samlin Malngiang, myntri ka tnat PHE ha ka Sngi Saitjain, ha ka jingialang, kaba la pynlong ha Circuit House, Tura.
U Conrad Sangma, myntri rangbah ka jylla bad U Bah Samlin Malngiang myntri PHE ha ka jingialang ha Tura:CMO
Katei ka projek kan shongdor T.35klur bad ka dei kaba la bei pisa, na ka skhim jong ka North East Special Infrastructure Development Scheme (NESIDS), ka tnat kaba peit ia ka dong shatei lam mihngi jong ka sorkar India.
Yn pyndep ia katei ka projek ha U Lber 2020 bad kan iarap shi katdei halor ka jingsam um bam um dih na bynta ka Tura Phasi I bad Phase II, ha kaba yn bujli ruh ia ki nar um, kiba la rim bad kiba la jaw um ha kiba bun jaka.