Yn tohkit ka UGC, ia ki kam beain ka CMJ University

Shillong, 11 Jylliew:
Ka University Grants Commission (UGC) ka la thaw ia ka “Expert Committee” ban pynlong ia ka jingtohkit halor ka jingkynnoh ba la tei pyrshah ia ka Chandra Mohan Jha (CMJ) University ha kane ka jylla Meghalaya.
Ia kane ka kommiti ban tohkit ia ka CMJ University ka la mih hadien ba u myntri ka tnad human resources development u MM Pallam Raju u la wan jngoh ia ka Meghalaya.
Ka UGC ka la pynmih ia ka jingpynbna ha kane ka sngi Nyngkong ba ka ‘Expert Committee’ la thaw ban tohkit ia ka jingkynnoh ba la tei pyrshah ia ka.
Katkum ka jingpynbna, ka UGC ka la iathuh ba u Lat ka jylla Meghalaya u Ranjit Shekhar Mooshahary ha ka bor jong u kum u Visitor jong ka university, u la pynshitom pyrshah ia kane ka CMJ University hadien ba la shem ia ka jingtrei bym dei jong ka.