Yn tohkit ka sorkar ha man ki thliew iing, ban wad mynder ha Manipur

Imphal:U myntri Rangbah jongka jylla Manipur u N.Biren Singh u la batai shai ba ka jingshong beaiñ jong ki briew ba wan rung tuh ha ka jylla, ka dei kawei na ki ba buh jingma bha bad ka jingleit peit bniah na kawei pa kawei ka ïing, yn sa phah peit ban ithuh bad lap ia kum kita ki briew.

Haba iakren bad ki nongthoh khubor, u Singh u la ong, kane kan pyni shai kdar ia ki trai shnog kiba ai lad ia ki nongwei ba kin sah wai ha ki ïing ki sem Jong ki.
Dang ha ki 4/5 sngi, la ioh kem, kum ba 615ngut namar ki pynkhein ia ka aiñ Jong ka inner line permit.
Ka ILP ka dei ka aiñ ba la wanrah da ka Sorkar ha u snem 2021, kum shi bynta ban tehlakam ia ka jing wan sah jong ki briew ha ka jylla, hynrei ban ailad pat ia ki katkum ka por ba la buh ha ka permit jong kim ba kin sah.

Ka jingwad jong ka Sorkar ia ki biew kiba wan rung ha ka jylla lyngba ka inner line permit, hynrei ki jah pat hadien ka buh jingeh iaka sorkar ban wad, wat lada u phone number ba ki la ai, la pyrshang ban wad bniah.

Tang da ka ba wad na kawei ka ïing sha kawei pat, yn sa lap, ia ki trai ïing ba ai wai, yn sa pynshitom kat kum ki kyndon aiñ.