Shillong: Ka Meghalaya Football Association (MFA) ka la pynbna ba kan pyndonkam da ki volunteer ban peit ban iarap ia ki jingdonkam ha ka lympung Baby League kaban sa sdang shen ha ka jylla bad ha kajuh ka por, ka la khot sngewbha ruh ia kiba kwah ban aplai ia kane ka kam.
Ka jingthmu jong kane ka volunteer programme ka long ban ai jinghikai lyngkot naka bynta ki jingdonkam bad ka rukom trei kaban long kiba ioh jingmyntoi.
Ka MFA ka donkam 60 ngut ban thung volunteer bad kiba kwah ki lah ban leit aiti ia ka aplikeshon sha ka ophis ka MFA ha Jawaharlal Nehru Stadium, Polo, Shillong, lane lyngba ka [email protected] shwa ka 30 tarik mynta u bnai Naitung.
Tang kito kiba la kot 18 snem shaneng ki lah ban aplai ia kane ka kam volunteer bad yn kham jied ia kito kiba khlem pat donkam donjam. Ka don ruh ka bhah 30 percent ia ki kynthei.
Kiba shah jied kin ioh ia ka syrnot ha kaba kut ka jingai jinghikai bad ka sopti t-shirt, ka bai leit bai wan bad ka jingbam man ba shah hikai.
Phi don ban ong eiei?