Yn thung kam pura, ia ki nonghikai, bym pat ioh jingsiew na ka Sorkar

Tura:Ka Sorkar jylla ka la pynbna ba kan thung kam pura noh ia kito ki nonghikai Lower primary skul ki bym pat dei satia kiba la ioh jingsiew na ka Sorkar nangne sha khmat.

Ia kane la iathuh, u Conrad kong kal Sangma, ha ka sngi palei haba u leit shim bynta ha ka jing ialang ba 45 jong ka kynhun ki nonghikai Lower primary school jong ka All Garo hills Lower Primary school teacher association(AGHLPTA) ha Kharkutta North Garo hills district.

Haba ai jingkren ha kane ka sngi, u Conrad kongkal sangma u la ong, “Ngi la sngewhun shikatdei, namar ngi la lah ban pyndep ia ka jing kwah ba la slem bha ka jongphi, ki nonghikai bym pat ioh jingsiew na ka Sorkar, da kaba shim ia ki lad ki lynti ban shim ia phi kum ki nonghikai ban ioh jingsiew na ka Sorkar ban nang ai shibun ki jingioh jing myntoi nangne sha khmat”.

Kum ban shu pyn kynmaw ba ka kynhun jong ki nonghikai jong ka All Garo hills Lower primary teacher Association (AGHLPTA), ki la dawa ia kane na ka Sorkar naduh u snem 1994.
“Ki nonghikai ki dei u budlum jong ka jingiar ka imlang sahlang, ki kmie ki kpa ba ar jong ki khun ki kti jongngi” la ong u myntri rangbah ka jylla u Conrad Sangma.
U la ong shuh “Ngi sngew dap ram ia ka jingai jongphi ia ka jingnang jingstad lyngba ka jing iaishah jongphi, kaba long ka spah bah ia ki khun ki kti jongngi ha ka imlang sahlang “.
Haba kren shuh U Conrad u la ong “Nga ai khublei ia ka jing ia lum lang jong ki nonghikai, ki jinglah ki jongki na bynta ki khun ki jongngi da ka jing kitkhlieh ka jongki”.
“Nga pyn shlur ia ki, ba kin bteng ha ka jingtrei jongki sha ka imlang sahlang, ha ryngkat ka jing iatreilang, ngin lah ban tei ia ka Meghalaya ba thymmai ha ka pule puthi lyngba ki khun ki kti ki jongngi “.