Yn thung kam ka sorkar India, ia ki 10lak ngut, hapoh ka shisnem shiteng

U Narendra Modi, myntri rangbahduh ka Ri, ula bthah mynta ka sngi, ba ki tnat sorkar bapher, kin thungkam ia 10lak ngut ki briew, ha ki ophis sorkar bapher bapher jong ka sorkar India bad ia katei ka jingthmu, ban pynurlong hapoh ka shisnem shiteng.

Katei ka jingbthah, ka dei hadien, ba la don ka jingbuddien halor ka jingdon ki nongtrei ha ki tnat sorkar bapher bapher, ong ka khubor.

Ka sorkar India, ka don ha ka jingshah kynthah kaba man ka por, halor ka jingduh kam duh jam ha kine ki sngi, katba ki don pat bun bun bah ki kam kiba lait bad kiba khlem pyndap shuh satia.

Ka ophis jong u myntri rangbahduh, ka thoh ha ka tweet “U Narendra Modi, ula peit bniah ia ka jinglong jingman jong ki nongtrei ha ki tnat bapher ka sorkar India bad ula bthah ban thung kam ia shiphew lak ngut bad ban pyndep hapoh ka 1.5 snem”.