Yn thoh ka KSU sha ki bor ka ISC halor ka kot klas XII

Shillong: Myn hynnin ka sngi ki dkhot ka Khasi Student Union (KSU) lyngba ka tnat ‘Education Cell’ ha ka jing ialam da u secretary u Raymond Kharjana ki ;la leit ban ia kynduh ia ki nong pyniaid ka skul ‘Pine Mount School’ kaba don ha Barik Shillong na ka bynta ban ioh jing pynshai halor ka kot subjek ‘Sociology’ klas XII ka ba la pynthoh bria ia ka Jaidbynriew Khasi.

U general secretary ka Khasi Student Union (KSU) u Donald V Thabah u la iathuh ba na ka liang ki nong pyniaid skul ‘Pine Mount’ ki la iathuh ba ka skul kan nym pyniaid da kane ka kot kaba la pynthoh bria ia ka jaidbynriew Khasi da u nongthoh u ba dei na bar jylla bad u bym don jing tip wat ia ka ‘map’ ka jylla Meghalaya ruh.

U Donald V Thabah u la ong ruh ba ka KSU kan sa ia pynbeit kam bad ka KSU Delhi unit na ka bynta ban phah da ka jing thoh sha ki bor pyniaid ka ‘Board ISC’ kaba don ophis sha nongbah Delhi na ka bynta ban dawa weng noh syndon ia kane ka kot skul.