Yn ther jur u slap bad khie eriong, ha kiba bun ki bynta jong ka jylla

Shillong: Lashai ka sngi, ka lah ban don ka jinghap slap, kaba malu mala lane kaba kham jur, ha ka nongbah Shillong bad ki shnong ba marjan.

Ha kylleng ka jylla, kan don ka jinghap slap kaba jur, ha ryngkat bad ka jingkhie eriong, ha kaba ka jingstet jong ka eriong, kan dei kaba hapdeng ka 30 haduh 40 Kilometre ha ka shi kynta, ha kiba bun ki bynta jong ka jylla.

Ka jinghap slap mynta ka sngi, ha Sohra ka long 3.6mm, katba ha Shillong bad Umiam, kam don satia ka jinghap slap, katba kum ka kaiphod jong ka India Meteorological Department ka sorkar India.