Shillong:Ka National People’s Party (NPP), ka la ai ka jingithuh ba kyrpang ïa u Nongthaw jingrwai ba paw ka Ri-lum Khasi uba thaw ruh ïa ka jingrwai jong ka Voice of the People Party (VPP) “Meinah-Panah ha u Prah”, kaba la pynshoh jadu ban pynïoh ïa ka jingjop ka VPP haduh 4 ngut ki MLA ha ka elekshon MLA-2023.
Une u nongthaw jingrwai bad nongrwai, u dei u Bah Smilling F Mylliemngap ba na Ïewpamtiah, uba la dep thaw haduh 3000 tylli ki jingrwai ba kynthup ïa ki jingrwai niam, jingrwai ieid ri, ki jingrwai ba pynshongshit ha ka por elekshon bad kiwei kiwei.
U Myntri Rangbah ka Jylla bad National President ka National Peoples’ Party (NPP) Conrad K Sangma, ula khot dihsha ïa une u nongthaw Jingrwai ha ka Ïingsah jong u kum ka dak ka jingburom bad jingithuh ïa ka sap ba une u Rangbah u don.
Ïa une u Rangbah Nongthaw jingrwai la synran da u Chief Executive Member (CEM) ka Khasi Hills Autonomous District Council (KHADC) u Bah Pynïaid Sing Syiem lem bad u Executive Member Bah Fantin J Lakadong, ha kane ka jingleit ïakynduh ïa u Myntri Rangbah ka Jylla.
Kat kum ka khubor kaba la ïohlum, la ïathuh ba u Myntri Rangbah ka Jylla, ula kular ban theh ïa ki jingïarap sha une u Nongthaw Jingrwai ba un nang lah ban pynheh bad pynriewspah ïa ka kam ba u leh, kata ha ka ban thaw ïa ki jingrwai bad pynmih album.
Shuwa kane ka jingleit ïadih sha bad u CM, ka KHADC ka la pynkup burom ïa une u Rangbah ha ka jingïalang ba la pynlong hapoh ka ophis treikam u CEM.
Shim beit ki lad ioh jingiarap tangba nang pynkhlain kham bha ka jingrwai na bynta ka vpp khnang ba ka jaitbynriew kan im.pynkhlain noh shwa ka MDC election.
bah smiling kane ka long ka lad iaphi ba phin Im haka kamai kajih. tangba kawei wat klet ia kaei kaba phi thmu ha ka dohnud ban pynbha pat ia ka ri bad jaitbynriew..bad iano phi bud bad kiba kumno ki nongialam phin kyrshan da ka sap ba phi don, hato kilong kiba ieit shisha ia ka Jaitbynriew ne ki shu kwah pyndonkam bakla iaphi.
nga kwah kane ka khubor kan leit sha i bah smiling. khublei.
phi dei ban sngewburom ia ka vpp ba kalah pynpaw ka kyntiew ia phi haduh ban da ithuh lut dei lymba ka vpp
Conrad ruh ha thaw sum u kyn-ud ,musa Ambi ha u prah 🎵
🤣🤣🤣
Kane ka jingrwai ka la pynkhih win ym tang iaka ri lum Khasi hills hynrei wat ia shityllup ka ri Jaintia ruh.La tem ha ki kali kamai ,pickup bad ki bus.Ki nong shong iew ki ia rwai ia kane ka sur da ka khmat samrkhie.U wei u briew u bym ju ioh sngew ba u rwai,u la kynud ia kane ka jingrwai.