Yn thawlad ban siew ka tulop ki SSA, ong U Ma Rymbui

Shillong:U Ma Lahkmen Rym bui, myntri pule puthi ka sorkar jylla, u iathuh ba ka sorkar jylla, ka thaw lad ban siew noh ia ka tulop kaba sahteng jong ki nonghikai SSA, ha shwa ka 31tarik Lber 2022.

Ka jingkren U Ma Rymbui, ka dei hadien ba ki nong hikai jong ka Meghalaya SSA School Association (MSSASA), ki la byrthen, ba kin leit tur sha Secretariat, na ka bynta ban dawa ia ka tulop jongki, kaba dang sahteng sa san bnai kynthih.
U Ma Rym bui, ula ong “Nga sngew synei ia ki nonghikai, namar ba ia ka hok jongki, ki hap ban mih sha surok” bad u ong ruh ba ka sorkar jylla, ka dang pyrshang ban wad ia ka pisa bad ba ka sorkar India, ka pyllait noh, na bynta ka jingiaid beit ka kam ha ka jylla.

Ha kajuh ka por, ula khot ruh ia ki nonghikai, ba kin nym mih shakhmat ban iakhih, namar ba ka sorkar, kan thaw lad ban siew ha shwa ka 31tarik Lber 2022 bad ba yn iakren ha ka dorbar mang pisa kaba sdang naduh ka 4 haduh ka 17tarik Lber 2022.
U Ma Rym bui, u ong shuh shuh ba ka sorkar jylla, ha u snem 2019, ka la mang pisa T.78klur, na ka corpus fund, ban siew lut noh ia ka tulop ki nonghikai SSA.