Yn thaw ki saiantis ia ka lieng U Noah, ban pynneh ia u khun bynriew

Ngi la ju tip shaphang ka iing lieng U Noah, kaba la thoh ha ka Bible. Mynta ki saiantis, kin pyn urlong ia kawei pat ka iing lieng, kaba la mang kyrpang, ba kan pynneh ia ka jingim u khun bynriew, lada jia ba ka don kano kano ka jingma ha ka jinglong jingman jong ka mariang nangne shakhmat.

Katei kan dei ka iing lieng, ka ban don ia 160ngut ki saiantis bad kitei kin don na satlak ka pyrthei bad kitei ki don ia ka thong, ban pynneh pynsah ia u khun bynriew.

Ka website jong ka Earth 300 website, ka ong “Ngi ieid ia ka jingim bad ngi kwah ban pynthikna, ba ngin iai im ha ki pateng ki ban sa wan ruh”.

Ha katei ka jhad, kin don lut baroh ki jingdonkam, kiba ki saiantis, kin pyllait na baroh ki jingeh, kiba ka pyrthei, kan ia kynduh kum ka jingshit ka mariang, ka jing jaboh bad kiwei ki jingeh.

Katei ka jhad, kan don 980 phut ka jingjrong lynter bad sa 200phut ka pynieng bad yn pyniaid ia ka, da ka bor jong u niwkliar bad katei ka jhad, kan nym don pum pum satia, namar ba kan haduh 300 sngi ha ka shisnem.

Ka jinglut ban tei ia katei ka jhad, kan long $700million (£500million) bad la khmih lynti, ba yn trei dep ia ka, ha u snem 2025 bad yn tei ia ka ha Europe lane ha South Korea.