Shillong: Ka Tripura Tribal Area Autonomous District Council kan tei ia ka skul ha North Tripura na bynta ki Khasi kiba sah ha katei ka thain bad ia kane ka skul kaban hikai da ka phareng yn ai kyrteng Tirot Sing Memorial School.
U nongialam ka seng u Tipra Motha Party kaba la tip ruh kum ka Tipraha Indigenous Progressive Regional Alliance, u Pradyot Bikram Manikya Deb Barma ula pyntip ia kane, hadien ba la wai ka jingialang jong baroh 10 tylli ki autonomous council ha Shillong mynta ka sngi.
U la iathuh ruh ba yn ai jaka ruh ia ka KHADC, JHADC bad ka GHADC ba kin tei ia ki guest house ha ka jylla Tripura.
Katkum ka jingong u Pradyot, kane ka dei ka jingsdang ban iaburom mar kylliang hapdeng ki riewlum jong kane ka thain shatei lammihngi ka India, la ong u Praddyot.
“Kane ka dei ka jingsdang ba ngin ia burom mar kylliang hapdeng ki riewlum jong kane ka thain shatei lammihngi ka India”, la ong u Pradyot.
U la ong ba nangne shakhmat, ki riewlum kane ka thain, kim ym leit hala shuh marwei sha Delhi, hynrei kin ieng da ka kynhun lada dei ban mih shadan ne ban leit ai dorskhas sha ka sorkar India.
U la ong ba ka sorkar India ka dei ban burom ia ki riewlum kane ka thain da kaba iada kyrpang ia ki riti dustur, ka khyndew ka shyiap, bad ka jinglong rit paid.
U la iathuh ba ha ka jingialang bad u Amit Shah, u myntri ka tnad kam pohing ka ri, la pynsngew ia u ia ka jingkular ka party jong u ban wanrah ia ka jingpynkylla ia ka Sixth Schedule. “Ka Congress ka la kular ban kyrshan ia kane ka jingpynkylla kaba 125 ka riti synshar ka ri, katba ka BJP kaba synshar ka la dep buh ia ka kane ka mat ha Manifesto. Haei pat ka jingpynslem jongki, ngi kwah ba ka jingkular kan dei ban urlong hapoh ka por kaba buh”, u la ong.
une kein u nongialam uba ieh noh lut ka jimgim ba sngewbha bad mynta u lah long u nongialam ki nong tripuri ba tbit..U Pradyot u don ka sap bad ma ngi ruh ngi kitbok ia une u khlur ka ri jong ka jaidbynriew Ri Lum Tripura..