Shillong, 14 Rymphang: Ka sorkar jylla ka la thmu ban pyllait noh ia ka tyngka ai jingiarap sha ki dkhot ba la wan pyndem wait jong ka ANVC bad ANVC-B kaba dei da ka song pisa kaba T.1.5 lak tyngka marwei.
Ia katei ka pisa la ong ba ka sorkar kan phah sha ki bank Account jong ki, hynrei ka la rai ruh ban buh da ki nongiasyllok kiba lah ban batai ia ki kumno ban pyndonkam ia katei ka pisa bad da kino ki jaitkam kin jied khnang ba ka pisa kan ym shu sepei hynrei ka dei ban long kaba lah ban ai jingim ia ki.
Kumba long mynta ki lad khubor ki la iathuh ba ka sorkar ka la dep shim ia ki bank account nombar jong ki dkhot kitei ki ar seng hynrei la ong ba kin ym lah ban pynlut phut ia ka pisa jong ki naba kan don ka jingshim jingkheiñ kumno ban pynlut ia katei ka pisa ha ka ba seng kam kaba yn iarap da ka sorkar. Ia katei ka pisa kaba ka sorkar kan sa ai sha ki dkhot jong kitei ki seng lehnoh ba la pyndem wait kan kot sha ki klur tyngka bad ia katei ka pisa la ong ba ka sorkar jylla kan sa ioh na ka sorkar pdeng.
Phi don ban ong eiei?