Yn shongthait noh U Dhoni, na ka ialeh kriket ha ki rynsan ka pyrthei

U MS Dhoni, uwei na ki snar ialehkai kriket jong ka India, ula pynbna mynta ka sngi, ba un shongthait noh na ka jingialehkai kriket ha ki rynsan ialehkai jong ka pyrthei.

U Dhoni, uba dei u kapten barim jong ka India, u sangeh noh, na ka jingialehkai ha rynsan ka pyrthei, hadien ba ula ialehkai la 16 snem kynthih, ha kaba ula jop ruh ia shibun ki jingialehkai na bynta ka India, kaba kynthup ia ka world cup ha u snem 2011, kaba la pynlong da ka International Cricket Council (ICC).

U MS Dhoni, un dang iai bteng pat ban shim bynta ha ki jingialehkai ha ka Ri, kum ka Indian Premier League.

U Dhoni, um shym la ialehkai satia, na bynta ka India, naduh ka jingshah rem jong ka India ha ka New Zealand, ha ka jingialehkai semi final jong ka World Cup ha u snem 2019.