Yn shimti U Rev.Victor Lyngdoh kum U Bishop, Jowai

Shillong,18 Naiwieng:
Ha ka kyrwoh ba la phah da u Vicar General ka Jylla niajm (Diocese) Jowai, Rev. Phadar Hilarius Lamare, u la ong ba hadien ka jingkhlad noh u Most. Rev. Bishop Vincent Kympat, DD, ha u snem 2011, kane ka shuki ka sah thylli bad ia ki kam jong ka Balang hapoh ka Jyllaniam (Diocese) la nang pyniaid shipor da u Diocesan Administrator, Phadar Hilarius Lamare nangta da u Apostolic Administrator, Archbishop Most. Rev.Thomas Menemparampil SDB.DD.
Ia kane ka shuki Bishop bathylli, u Pope Francis u la pynbna ba yn wan shimti noh da u Most. Rev. Victor Lyngdoh, d.d kum u Bishop uba ar ka Jylla niam (Diocese) Jowai.
Ia kane ka jingwan shimti jong u, yn wan pynskhem bad pynkhamti da u Most. Rev. Dominic Jala, SDB.DD Archbishop ka Jylla niam bah (Archdiocese) Shillong ha kane ka 20 tarik mynta u bnai ha St. Theresa Cathedral Marian Hill Jowai, ka ban sdang da ka jingknia Mass bakhuid ha ka por 10 baje mynstep.
Kum ban shu pynkynmaw u Bishop Victor uba la shah pynkyntang Bishop lang bad u Bishop (Late) Vinceent Kympat, u la shakri ia ka Jylla niam (Diocese) Nongstoin ha kine ki 11 snem kiba la leit (2011-2016) bad mynta un wan trei ha ka Jylla niam (Diocese) Jowai), pynkut ka kyrwoh.