Shillong: Mynta ka sngi, U Amit Shah, myntri kam poh iing ka sorkar India, ha ryngkat U Conrad K. Sangma, myntri rangbah ka Jylla, ki la plie ia ka skhim sam um ha Sohra, lane kaba la tip kum ka “Greater Sohra Water Supply Scheme” ha ka jingdon ryngkat, U G Kishan Reddy, myntri ka tnat DoNER, U BL Verma, myntri khynnah ka DoNER bad U Jitendra Singh, myntri khynnah ka Science and Technology bad U bah Renikton Lyngdoh, myntri ka tnat PHE.
Katei ka skhim sam um, ka dei ka skhim, ba la bei pisa da ka Ministry of DoNER, ha u snem 2019, ha ka jinglut kaba T.24.08 klur.
Katei ka skhim, kan ai um ia ka Sohra bad kiwei ki shnong, kiba kynthup ia ka Sderkariah, Khlieh Shnong, Maraikaphon, Pdengshnong, Nongrim, Pomsohmen, Nongsawlia, Mawkisyiem, Saitsohpen, Mawpunkyrtiang, Pynshadkhurai & ka Kutmadan, da kaba tan um na Wah Lyngksiar bad Law Sanlait. Katei ka skhim um, kan ai um ia 22,943ngut ki briew.
La sdang ruh ia ka prokram thung dieng mynta ka sngi, ha ka jing ia trei lang ka Assam Rifles bad ka sorkar jylla ruh kumjuh.
Katei ka jingthung dieng, kan kynthup ia ka Block plantations ha ka jingheh kaba 3,000 Ha; Silvi/ Aromatic/ Pastoral Development ha ka jingheh kaba 3,000 Ha; Fuelwood ha ka jingheh kaba 2,000 Ha; 1,000 Ha. of Broom grass, nangta sa ka jingthung ia ki dieng Miyawaki, kan long ha ka jingheh kaba 200 Ha.; yn thung sa 50,000 tynrai ki dieng, 14 jaka ki jaka thung dieng rit, ka jaka ban khanglad ia ka jingpluh ding nalor kiwei pat.
Ka jingthung dieng, kan long 3 snem bad ka jing sumar, kan long na ka bynta san snem.
Haba kren ha katei ka prokram, U Amit Shah, u pynpaw ia ka jing donkam ban thung dieng biang ha Sohra, ha kaba u ong ba ka Sohra, mynshwa, ka ju hap slap baroh shisnem, hynrei mynta, na ka jingpom dieng palat, ka jinglong ha Sohra, ka la kylla shibun eh.
Ula ong shuh shuh ba ka thong ban pyn jyrngam biang ia ka Sohra, ka sdang naduh mynta ka sngi bad u iathuh ba ia ka Sohra baroh kawei, yn shimti da ki shipai Assam Rifles, na ka bynta ban thung dieng.
Halor ka skhim um, u iathuh ba ka skhim um ha Sohra, ka shongdor T.25klur bad kan ai um dih ia baroh ki nongshong shnong jong katei ka thain. U Shah, u ong shuh shuh ba haba ka um, kam dei kaba khuid, kumta ki nongshong shnong, kin nym ioh ia ka met kaba koi tba khiah bad kumta U Modi, ula pynbna ban pynpoi um dih sha man kawei pa kawei ka iing, ha kane ka jingdap 75snem ka Meghalaya bad ka jingdap 50snem ka Meghalaya. La ong ruh ba ka don ka jingthmu ban ai um dih ia baroh ki 2,80,000 tylli ki long iing, lyngba ki 1874 tylli ki projek bapher.
Ka sorkar jylla jong ngi kam nang ta ka daw lah leh nang da ki bar jylla…
ka jingjah burom kaba khraw ia ka Soil Conservation, ka Meghalaya Basin etc, ka Forest dept. ka Khasi Hills Autonomous district Council – kaba mut ka jingjah burom ia ka Sorkar hi baroh kawei.
ym slem ba ka Assam Rifles kan shimti ban pynkhuid noh sa ia ka wah Umkhrah, ka wah Umshyrpi ryngkat bad ki wah rit bad wah duit kiba bsa ia kine ki wah.
kan sa mih ka jingkhnium na ki shnong , ki sengbhalang bad nawei nawei de.