Shillong: U Chief Executive Member (CEM) ka KHADC u bah H.S Shylla, ki Executive Member (EM) bad ki MDC ka KHADC kin leit ban ia shim bynta ha ka Dorbar bah ka Hima Mylliem ka ban long ha ka 7 tarik mynta u bnai ha ka por 11 baje ha madan Polo. Ia kane la pyntip da u EM ka tnad Elaka u bah James Sylliang.
U bah James Sylliang u la ong ruh ba baroh ki Rangbah Shnong kiba hap hapoh ka hima Mylliem ki dei ban pynbna paidbah ia kane ha ki shnong ki thaw jong ki khnang ba ki paidbah baroh kin ioh ban leit ia shim bynta ha katei ka dorbar Hima. Utei u EM u la kyntu ia baroh ki paid nongshong shnong jong ka Hima Mylliem ba kin leit ia shim bynta sha katei ka Dorbar ka ban long hadien 18 snem.