Yn sei U MLA da U Bah Lotsing na War West

Shillong, 06 Risaw:
U MLA ba la risain noh ia ka jinglong MDC na War West ka JHADC, u Bah Stephan son Mukhim u la lah ban sei ia u Bah Lotsing Lakuna uba dei na shnong Syndai ban iakhun ha ka elekshon MDC Shiteng samoi kaban long ha ka 13 tarik Nohprah2016.
Kat kum ka khubor ba la iohlum, u Bah Mukhim uba la long u MLA shimet ka Amlarem un pyniakhun ia u Bah Lakuna ha kane ka elekshon hadien ba u la risain noh ialade na ka jinglong MDC na ka jingtieng ha ka ain pyntieng kohtympan Prevention of Disqualification (Members of Legislative Assembly, Megha laya) (Amendment) Act, 2015 u Dr Mukul Sangma kaba khlem treikam haduh kine ki sngi.
Katba na ka liang ka UDP ka dang wad kyrteng kiba biang ban don jing kyrmen ban rah ia ka jingjop. Watla kam pat pynbna hynrei la ioh jingtip, ba u kyrtong u la don bad kaba sah mynta ka long sa tang ba kan pynbna ha kine ki sngi ban wan.
Ha kawei ka liang, u President ka UDP Amlarem circle u Bah Kyrmen Pohshna u la iathuh ba ka jingialang jong ka UDP Amlarem kan long ha ka 11 tarik mynta u bnai ha Amlarem ban iapyrkhat ia kane ka kam nalor kiwei pat.
Ka Congress ka la dep sei ia u kyrtong jongka na ka bynta ka Amlarem u Bah Lamdi bok Sumer uba dei teng u CEM barim ka JHADC.