Yn sei kyrtong ka BJP ha baroh 3 ki Konstitwensi

Nongstoin, 19 Rymphang:
Ka BJP ka la shim ia ka rai ba kan sei kyrtong ha baroh lai tylli ki konstitwensi ha West Khasi Hills ha kane ka elekshon MDC shiteng samoi, ia katei ka rai la shim ha ka jingialang jong katei ka seng kaba la long ha ka 16 tarik mynta u bnai. Na bynta ka Rambrai –Jyrngam konstitwensi katei ka seng ka la rai ban lum jingialang paidbah ha ka 26 tarik mynta u bnai ha Iew Langpih. Katba na ka bynta ka Mawthadraishan bad ka Mairang konstitwensi pat ka la rai ban pynlong jingialang paidbah ha ka 1 tarik u lber, 2016 ha iew Mairang.
Ka kyrwoh khubor jong ka Seng BJP lyngba u nongkren jong ka U Bah Hopestandard Myrthong ka kyrpad ia baroh ki President, ki Secretary, ki dkhot jong ki polling baroh ban wan khnang khnang sha kitei ki tarik bad jaka ba la buh bad ruh ia ki Online member ryngkat ki nong kyrshan ba kin shim ba kane ka dei ka notice na ka bynta katei ka jingialang.