![](https://www.urupang.com/wp-content/uploads/2024/07/image-88.png)
Shillong:Ka Meghalaya Society for Social Audit and Transparency (MSSAT) ka la pyntip paidbah ba ka jingkhein jingdiah, jong ka snem mang pisa 2024-25, kan sdang naduh ka 29 tarik u Naitung 2024.
Kumta kumba ju leh man la u snem, ka jingpynlong ia ka Social Audit ka long ban wanrah bad pynthikna ia ka jingshai,ka jingkitkhlieh, khnang ban wanrah ia jingtip shai halor ka jingpyntreikam ia ki skhim bapher bapher kiba wan lyngba ka sorkar pdeng bad sorkar jylla, ha ka jylla baroh kawei.
Ka section 17 jong ka ain Mahatma Gandhi National Rural Employment Guarantee Act (MGNREGA),2005 ka lah aibor ban pynlong ia ka social audit na ka bynta baroh ki jingtrei
kiba la pyntrei hapoh jong ka skhim MGNREGS.
Ka jylla Meghalaya, ka la long ka Jylla ba nyngkong eh ha ka Ri India ban pynlong ain ia ka Social Audit lyngba ka ain Meghalaya Community Participation and Public Services Social Audit Act, 2017, ha kaba la kynthup ia ki skhim bapher bapher, jong ki shnat treikam ba pher pher ha ka jylla, kiba kynthup ia ka Education, Health, Forest & Environment, Power, Water & Sanitation, Employment & Skilling, Roads, Agriculture, Community and Rural Development, Security, Planning, Border, Food, Civil Supplies & Consumer Affairs bad ka Social Welfare.
Ka Social Audit ka sdang da ka jingkynduh lang ryngkat bad ki shnat treikam bapher bapher, ka jingshna ia ka social audit calendar, ka ban bud sa Social Audit ha ki shnong ha kaba yn don ka jingjurip ia ki kot ki sla, ia ki jingtrei, ia ki ophis treikam jong ki skim bapher hapoh ki shnong, ka jingjurip na ki nongiohkynti shimet ryngkat ka jingiasyllok bad ki, ka jingiakynduh bad ki nongshongshong ka ban bud bad ka jingpynsngew paidbah ha ka rynsan social audit gram sabha lane ha ka jingialang jong ka social audit, ha kaba baroh ki nongshongshnong kynthei bad shynrang ki lah ban iashimbynta.
Yn sa pynkut da ka jingialang paidbah ha ka rynsan social audit public hearing ha ki block ophis. Ha katei ka rynsan yn sa pynsngew paidbah sha baroh ki nongiohkynti, ki nongshongshnong, ki nongmihkhmat na ki shnong, ki nongpyniaid ia ki komiti treikam jong ki skim bapher ha ki shnong jongki, ki nongmihmihkmat na ki shnat sorkar ia ki jingshem ba la lap lyngba ka jingjurip. Ia kino kino ki jingshem, jingduna, yn sa shim rai da ki nongmih khmat kiba wan na kitei ki shnat treikam.
Halor kane ki tnad treikam kin sa ai ia ka Action Taken Report sha ka MSSAT ha kaba ka MSSAT kan sa ai ia ka kaiphod Social Audit Report sha ka Sorkar.
Ki skhim ban kynthup hapoh ka Social Audit, ki long ka Mahatma Gandhi National Rural Employment Guarantee Act (MGNREGA), National Social Assistance Programme (NSAP) kiba kynthup ia ka IGNOAPS, IGNDPS, IGNWPS & NFBS, Pradhan Mantri Awaas Yojana Gramin (PMAY-G), Sarva Shiksha Scheme (SSS), Public Distribution Scheme (PDS), Integrated Child Development Services (ICDS), Fifteen Finance Commission (XVFC), Poshan Abhiyan (PM Poshan Shakti Nirman), Pradhan Mantri Awaas Yojana – Urban (PMAY-U), National Health Mission (NHM), National Rural Livelihood Mission (NRLM).
Phi don ban ong eiei?