Yn sdang pynrung dkhot ka BJP na Mairang

Shillong, 8 ‘lyngkot:
Ka Bharatiya Janata Yuva Morcha (BJP Youth Wing) Meghalaya ka la rai ban pynrung dkhot ha kane ka jylla ban pyn khlain ia ka seng bad ia kane yn sdang na Mairang ha ka 21 tarik Kylla lyngkot mynta u snem.
Ha ka jingialang ka BJYM ha kane sngi Balang, ka la shim ia ka rai ban sdang noh ban pynkhlain ia ka party da kaba yn sa sdang noh ia ki prokram pynrung dkhot ha man la ki jaka da kaba kin pynlong ia ki jing ialang paidbah bad lum iaki samla.
Ka BJYM Mairang Mandal kan pynlong iaka jingialang ha Mairang ha ka 21 tarik u kyllalyngkot 2015 haka por 10 baje mynstep ban pynrung dkhot thymmai ha ka tei ka thain.Kumta ka seng ka kyrpad ia ki paidbah jong katei ka thain ba kin sngewbha ban ia poi khnang khnang ha katei ka sngi”, la ong ka kyrwoh na ka seng.
Ha kane ka jingialang kaba long ha ka sngi Balang, la pyniaid da u President u bah Egenstar Kurkalang ba iadon lang ruh u Co-Incharge jong ka BJYM North East States u Somojit Singh uba la ai ka jingbatai bniah shaphang ka rukom treikam ka BJYM bad ka kamram jongki samla haka imlang sah lang ban wanrah iaka sorkar kaba khuid bad ba ai ka
jingshakri ba bha naka bynta ban kyntiew iaka jylla bad iaka ri India baroh kawei.
La ai jingkren ruh da u bah Khlursing Lyngdoh State President BJP Meghalaya u la ai ki jing kyrkhu kyrdoh bad ai mynsiem iaki samla ban trei hok iaka lyngkor ba ki bat naka bynta ban kyntiew iaka imlang
sahlang bad la ioh jingkren ruh na ka kong Pelcy Snaitang kaba dei ka General secretary ka Mahila Morcha jongka party BJP. Baroh ki nongkitkam jong ka BJYM Meghalaya bad ki nongkitkam na ki Districtbapher bapher ki iashim bynta shitrhem ha kane ka jingialang bad laiatai sani bha halor ka phang banpynrung dkhot thymmai ha ka party habaroh kawei ka jylla.