Yn sdang noh ka Expert Committee ïa ka public hearing halor ka SRP

Shillong:Ka Expert Committee on the State Reservation Policy, kan pynlong ïa ka Public Hearing naduh ka 3 tarik Risaw ha Shillong, Tura bad Williamnagar.
Ïa kane la pyntip lyngba ka notice ba la pynmih da u Chairman ka Expert Committee Justice Mool Chand Garg (Retd) kaba la phah sha ki kynhun bapher bapher ha u bnai ba la lah.

Ka Committee kan pynlong ïa kine ki Public Hearing haba buddien ïa baroh ki jingthoh/ki jingïakren/ki jingai jingmut/ki jingkynthoh.
Ha Shillong, ka Committee kan pynlong ïa ka hearing ha ka 3 tarik Risaw, 4 tarik bad 5 tarik Risaw bad ha Tura bad Williamnagar yn pynlong ha ka 21 haduh ka 25 tarik Risaw.

Ka notice ka pyntip ruh ba ka hearing ha Shillong kan long ha State Convention Centre naduh ka por 9 baje mynstep haduh 1 baje janmiet bad naduh 2 baje janmiet haduh 6 baje janmiet.
Ïa ki jingtip ba bniah halor ka hearing ha Tura bad Williamnagar yn sa pyntip kham hadien.

Ka Committee ka la kyntu ïa baroh ki kynhun ba kin wan sha ka hearing ha ka 3 tarik Risaw bad ban wanrah ruh ïa ki kot ki sla ban kyrshan ïa la ki jong ki jingthoh ba kila aiti.