Shillong: Hadien ka jingkmen ha kine ki bnai ba la dep, khnang ban plie lad shuh ia ki khynnah ban pyntbit ha ka jingialehkai phutbol, mynta yn sdang sa ka Greater Shillong jong ka Meghalaya Baby League ha JN Stadium, Polo, ha kane ka sngiu Saitjain.
Kane ka jingialehkai kan sdang ha ka por 11 baje mynstep bad ka khot sngewbha ia baroh. Ka lympung baar jong ka Meghalaya Baby League, kaba la kyrshan da ka Tata Trusts bad ka All India Football Federation (AIFF) lem ka sorkar Meghalaya, ka la sdang ha u Nailar 2019 bad la iohi ia ka jingwan iashim bynta shit rhem ki khynnah ha kane ka lympung baar nabar ka sor Shillong ruh.
Na ki 12 tylli ki kynhun ha Shillong, la don ruh sa na Mawngap bad na Smit centre, kiban iashim bynta ha ka Greater Shillong centre.Ki kynhun na Shillong Eastern bad ka Shillong Western kin iakhun ha ka semi bad ka Mawngap bad ka Smit.Ka lahduh ka Greater Shillong League kan iashim bynta ha ka kylla ba kut ka pan-Meghalaya league, kaban kynthup ia baroh ki jaka ialehkai ne centre na kiwei ki district jong ka jylla kynthup West Jaintia Hills, East Jaintia Hills, Ri-Bhoi, West Khasi Hills bad ka West Garo Hills la shem bnai.Ha ka kyrdan U-7, ka jingiaknieh lahduh kan long hapdeng ka Nongthymmai GC Scorpions (Shillong Western) versus Rangdajied Eagles (Mawngap). Ka Scorpions ka la pynliem ia ka Langsning Greenergy Lions da 4-0 ha ka semi, ha kaba ka Eagles ka la pynliem ia ka Wahlakhiat FC Tigers da 6-1.Ka Gibbons (Shillong Western) bad ka Little Kickers FA Ferrets (Mawngap) kan iakhun ha ka U-9. Baroh ar ki la jop da 3-0 ia ka Langsning bad ka Wahlakhiat.Ka Greenergy Lions ka la kam sha kawei ka kyrdan da kaba pynliem ia ka Pay For Right Flying Squirrels (Shillong Eastern) da 3-1 ha ka U-11, katba ha ka U-12, ka la shah rem ha ka Scorpions da 5-0. Ha ka U-11, ka Langsning kan iakynduh ia ka Upper Shillong Colts (Mawngap), kaba pynliem ia ka Laitkor Flamingos da 2-1. Ha ka U-12, ka Langsning kan iakhun ia ka Rangdajied hadien ba ka la pynliem ia ka Mawlatbah (Smit) da 2-0.
Phi don ban ong eiei?