Yn sar ka NDA, 289ngut kan ioh MP ha Lok Sabbha

Mumbai, 12 Jymmang:
Ka mih ka jingkhein mynta, ka sngi, ba ka liang pyrshah Bharatiya Janata Party bad ki seng, kiba ka iatreilang ba kin lah ban thaw sorkar, da kaba suk hadien ka jingniew vote ha ka 16tarik Jymmang 2016.
Na ka jingai jing khein jong ka  Research group C-Voter, ka shim ba ka National Democratic Alliance(NDA), kan ioh haduh 289ngut ki MP, katba ka Cicero for the India Today group, ka ai jingkhein, ba ka NDA, kan ioh hapdeng 261 haduh 283ngut ki dkhot ha ka iing dorbar Lok Sabbha.
Ka jingdonkam, jong ki seng sain pyrthei, ban ioh ban thaw sorkar marwei, ha Lok Sabbha, ka  long 272 ngut bad ia katei ka jing khein ba pura, yn sa iohi, ha ka Sngi Thohdieng, kaba dei ka sngi niew vote.
Ka jingkhein, ka ai ruh, ba ka Congress lem bad ka kynhun UPA,kin ioh tang kumba 115ngut ki MP, katba kiwei pat ki seng sain pyrthei, kin ioh 156ngut ki dkhot ha kane ka Lok Sabbha, kaba mynta.