Ki nong ialehkai PUBG, kin sa ioh shen ban sdang biang ia ka kam ialehkai jongki, namar ba ka la mih mynta ka PUBG Mobile India.
La khang ia ka PUBG na India, ha U Nailur 2020 bad hadien kata ka PUBG, ka pynbna ba kan nym buh shuh ia katei ka jing ialehkai ha India, ha kaba la pyniaid lyngba ka Tencent Games. La pynbna ruh ba la khang syndon ia katei ka jing ialehkai, naduh ka 30tarik Risaw 2020.
Mynta ka PUBG, ka pynbna ba kan sdang noh da ka PUBG Mobile India, ha kaba la shna khnang bynta ki nong ialehkai ha India. Ka PUBG Corporation, ka pynbna ba kan don ka jing peit ryntih kaba man ka por, halor ka jingbuh ia kitei ki jing ialehkai, ba kan nym mih satia kano kano ka jingma, lyngba ka jingdon kitei ki jing ialehkai ha ki mobile.
Haduh mynta, ym pat shym la buh tarik satia, lano ba katei ka jing ialehkai, kan sdang biang ha India.
Phi don ban ong eiei?