Shillong:Mynhynnin ka sngi ka Deputy Commi ssioner ka East Khasi Hills ka kong Rosette M Kurbah ka la ong ba kan sa sdang ban chek ia ki kali, ha kane ka taiew halor ka hukum ban pyntreikam ia u odd bad even number ha ka jaka ba la pyn bna mynshwa.
Kham myn shwa, ka DC ka la pynjari ban khang ia ki kali kamai ban iaid na Kashari, Khyndai Lad, bad Motphran shi bynta jong ka jing pyrshang ban pyn duna ia ka jingsahkut kali. Hynrei na ka liang ki nongniah taksi kamai kila pyrshah bad kila ujor sha ka High Court.
Ka DC ka la ong ba ka jingbym cheking ia ki kali ha ka jingpynmih hukum mynshwa ka dei hadien ba ki nongniah taksi kila wanrah ka jingthoh sha ka.
Ka la ong ba ka la don bun ki hukum na ka Kashari ban pyniaid kali ha ka nongbah, ka bor district ka la shim khia ban bud ia ka jingbthah ka High Court kaba kdew ia ki ar tylli ki jaka bad kam mut ba khang lut ha baroh ki jaka ha ka nongbah. Ki nongniah taksi kila ujor sha ka Kashari bad kane ka la pyni ba ki iakhun ia ka hukum ka Kashari bad ka dang ap ia kano kano ka jingmih hynrei mynta ka taiew yn pyntreikam noh ia ka hukum.
“Ngim shym la leh ia ka jingtalasi (checking) ha ka sngi ba pynjari ia ka hukum ha ka 6 tarik namar ba ngi shim ia ka jingthoh jong ki ha ka shithi hynrei namar ba ngi iohi ba ki kali ha ki ar tylli ki jaka ki la kham duna, bad ngin sa peitngor lashai ka sngi”, ka la ong.
Phi don ban ong eiei?