Yn sa pynlong ia ka Miss Meghalaya 2020 ha Dawki

Shillong: Ka Meghalaya Tourism Youth Development Society ha ka jingiasnohkti lang bad ka Glamanand Supermodel India kan pynlong ia ka jingiakop thei bhabriew ka ba la tip “Miss Meghalaya 2020” ha ka 15 tarik u Rymphang 2020 ha Dawki.

Ka Audition na ka bynta kane ka jingiakop theibhabriew kan long ha ka 25 tarik u kyllalyngkot 2020 ha Youth Hostel,Lashumier Shillong ka ban sdang ha 2:00 baje.

Ki ba jop ha kane ka ka jingiakop theibhabriew Miss Meghalaya 2020 kin ioh ban shim bynta ha ka Miss Teen India,Miss International, bad ka Miss Multinational ka ban sa long ha ka nongbah Mumbai bad Delhi.

Ki nongjop ha kane ka jingiakop thei bhabriew ha ryngkat ka jingiohrah ia ka nam Miss Meghalaya kin ioh rah ruh ia ka song pisa ka ba 1 lak tyngka,ki ba ioh First Runnerup kin ioh 50,000 tyngka bad ki ba ioh Second runner up kin ioh 30,000 tyngka.

Ha kane ka sngi yn iadon ryngkat lang u symbud Myntri rangbah ka jylla u bah Prestone Tyngsong kum u kongsan bad u Kyrmen Shylla u myntri ka tnad Social Welfare kum u symbud kongsan.