Yn sa pyllait noh ia ka jingshalan ia u dewiong ba la dep tih, hadien ka jingmynjur ka NGT

Shillong: U Conrad K Sangma, myntri rangbah ka Jylla, u iathuh ba ka jingshalan ia u dewiong u ba la dep ban tih ha ka jylla Meghalaya, kan sa sdang biang hadien ba ka National Green Tribunal(NGT) ka la mynjur ban kyntiew ia ka dor die ia u dewiong.

Haba kren sha ki lad pathai khubor, u Myntri Rangbah ka Sorkar jylla, u Conrad K Sangma, u la ong,”Ka la don ka jingthut ha kaba iadei bad ka jingduna eh ka dor jong u dewiong, dang shen ka dor jong u dewiong ka la hiar palat haduh ka lah ban pynduhnong ia ki trai jong ki par tih dewiong, namar ka dor ba la duh da ka Coal India Limited(CIL) ka la duna shaba palat hynrei ka NGT pat mynta ka la pynbna ban pynkiew noh ia ka dor jong u dewiong bad kata kadei kaba ngi kwah. Te mynta lyngba ka jingpynbna jong ka NGT ngin iaid shakhmat ban pyllait noh ia u dewiong ba la dep ban tih”.