Shillong, 17 Naitung:
Ki nongpynmih ia ka phlim Rock on 2 ki la dep pynkhreh ban sdang noh ia ka jingwan ring ia katei ka phlim ha kane ka jylla Meghalaya. Ka Excel Entertainment ka la dep ruh ban ia soi ia ka jingiasngewthuh jingmut bad ka sorkar jylla na ka bynta ban ring ia katei ka phlim.
Ki nongpynmih ia katei ka phlim ki la jied ia ki lai tylli ki jaka ha kane ka jylla ban ring kyrpang ia katei ka phlim bad kitei ki lai jaka ki dei ka Sohra, ka Umniuh bad ka Laitlum, hynrei mynta ki dang ap ban ioh jingbit shuwa ban sdang ring noh, la iathuh da u Savan Bannerjee Line Producer katei ka phlim uba dei ruh u khynnah ba na Guwahati hynrei uba la shong la sah ha Mumbai.
Ka Aktress ha katei ka phlim ka Shraddha Kapoor ka la dep wan jngoh ia kane ka nongbah Shillong ha u jymmang mynta u snem katba u Aktor pat u Farhan Akhtar un wan sha Shillong ha u nailar mynta u snem ban peit kai shuwa ia ki jaka bad ka jinglong ki briew kane ka jylla. “U kwah ban iakynduh shuwa ia ki briew jong ki shnong kiba u hap ban leit ak phlim khnang ba un tip kham bha ia ka rukom im jong ki briew shuwa ban ring ia ka phlim” ong u Banerjee.
Ka Aktress pat ka Shraddha Kapoor ka la pynphriang lypa ki khubor ba bha shuwa ba u Farhan un wan sha nongbah Shillong ha kaba ka la ong ba ka dei ka jaka ba itynnad bad kaba pyngngad, “ Ka dei ka jaka ba itynnad bad nga la rah lang ruh ia ki jingthoh jong ka phlim ia ki bynta ba nga hap ban ak sha katei ka jaka” ong katei ka Aktress hadien ba ka la wan sha nongbah Shillong.
Nalor u Farhan bad ka Shraddha, kiwei pat ki actor ha ka ‘Rock On 22 ki ban wan ak ha kane ka jylla ki kynthup ia ka Pracha Desai bad Arjun Rampal bad yn direk ia katei ka phlim da u Shujaat Saudagar. Ha katei ka phlim yn pynmih ruh ia ka sur jingtem da kawei ka kynhun tem na nongbah Shillong kaba la tip kum ka Somersault.
Phi don ban ong eiei?