Shillong:Kumba katto katne ki Durga Puja mandal kin rakhe, ia ka jingiaid lynti jongki ha ki kam ai jingshakri ia baroh ki paid riewngeit hindu hapoh shillong. Ki katto katne ki jaka mane kiba la shakri slem bha ki long ka Somathan Dharma sabhaa (Harisabha) kaba don ha Laban, kaba lah iaid lynti 125 snem, ka dei kawei na ki Puja mandal kaba la ai jingshakri lah slem bha bud sa ka Asomiya Naamghar (Ruprekha) kaba don ha jail road kaba lah kynjoh sha ka 100 snem ka jingshakri jongka, Ka Laban Naam Ghar kaba don ha Laban kane ruh ka lah shakri 100 snem.
Kiwei pat kiba la shakri 75snem ki long ka Kench Trace DPC kaba don ha Kench trace bad ka AC lane DPC ha iew pulit ki dei ki artylli ki puja committee ba la shakri slem. Ka Shree Shree Rajasthan D.P.C Lukier Road 60snem bud sa ki 2tylli ki mandal ba lah dap 50snem kita ki long ka Oakland bivar road DPC Oakland bad ka Laban shiv Mandir DPC Laban, kiba la kynjoh sha ka 50snem ka jing shakri jongki.
Ym tang katta ki don ruh ha Ri lum Garo ki Puja mandal ba la kynjoh sha ka 75 snem kum ka Thakubari puja committee kaba don ha Tura bad ka babupara sarbajanin Dugaustsav committee, kaba don ha Monendragagang kiba la iaid ia u mawmer 75 snem ha ka jing shakri jongki bad kawei pat ka puja committee, ba la kynjoh sha ka 50snem ha ka jing shakri bad iaid lynti jongka ha rilum Garo ka dei ka Chandabhoi Durga Puja Committee kaba don ha Dalu.
Phi don ban ong eiei?