Yn rai da ka Cabinet, halor ka elekshon ha GHADC, ong U bah Prestone

Shillong: U Symbud Myntri rang bah ka jylla u bah Prestone Tynsong u la iathuh ba ha kine ki sngi ban wan ka sorkar jylla kan sa pynlong ia ka jingialang Cabinet ban rai halor ban pynlong ia ka Election na ka bynta ka Garo Hills Autonomous District Council. Haba iakren bad ki lad pathai khubor na ka liang u bah Prestone u la iathuh “Ynda u Myntri rangbah ka jylla u Conrad K Sangma u la wan phai na Garo Hills, yn sa shong ha ka jingialang Cabinet ban rai ia ka sngi ban pynlong ia ka election ha GHADC.”

Halor ka jingong jong ka party kaba iadon lang ha ka Sorkar MDA ka Party BJP ba la da ka sorkar kam lah ban pynlong election mynta u bnai kan leit pan jingbit na u Lat ka jylla un shimti hi ha GHADC, u bah Prestone u la ong ba la da ka party BJP kan leit sha u Lat, na ka liang ka sorkar ruh kan sa leit lang sha u Lat ka jylla, namar ba ia kaei ka ba ka Cabinet kan rai hap ban phah sha u Lat ka jylla ba un ai jingbit.