Yn rah suk ka Kong Wansuk, ia ka shuki Rajya Sabbha Bym pynieng kandidet ki liang pyrshah

Shillong, 28 K’lyngkot:
Ka kyrtong ka Congress ka kong Wansuk Syiem ka la thikna ba kan shu thep kol kynthei ha kane ka jingiakhun ia ka MP Rajya Sabha hadien ba ki lingpyrshah ki la rai ban nym pynieng briew ha kane ka kynti.
Ka Kong Syiem kaba dei ka MP ba mynta ka Rajya Sabha na Shil long Parliamentary constituency ka lah ban shu rah beit ia kane ka thong ban long ha ka 7 tarik Rymphang. Ki liang pyrshah kum ka United Democratic Party (UDP), NPP bad kiwei ki liang pyrshah ki lah ban nym pyniakhun ha kane ka kynti.
Ka daw ka long ba ki la sngewthuh ba ka nym myntoi ban pyniakhun namar ba ki don tang khyndiat eh ki dkhot ha kaba kiba bun ki don ha ka liang ka sorkar. Ia ka MP elekshon jong ka Rajya Sabha la jied tang da ki MLA.
Ka UDP kaba dei ka liang pyrshah kaba don bun tang 8 ngut ki MLA ha ka iing kaba 60 ngut, ka NPP ka don tang ar ngut, ka Hill State People’s Democratic Party (HSPDP) ka don saw ngut bad ar ngut ki MLA shimet bad uwei na ka Garo National Council (GNC).
Lada kine baroh ki dkhot ka liangpyrshah kin iatylli ruh kan nym poi shaei shaei namar namar ki duna palat ka jingdon ki MLA.
Katba ka Congress ka don 29 ngut ki MLA, ar ngut ka NCP, bad 11 ngut ki MLA shimet bad uwei na ka North East Social Democratic Party (NESDP) kiba kyrshan ia ka Congress kaba ialam ia ka sorkar.