Yn rah ka UDP, ia ki ishu bad ka sorkar jylla, kynthup ia ka lynti rel

Shillong:Ka party United Democratic Party (UDP) myn hynnin ka sngi ka la rai ba kan sa pynlong ia ka jingialang ha kaba iadei bad ka bynta ka bha ka miat jong ka ri khasi bad ban pynbeit ia ki jingdawa jong ki paidbah jong ka jylla.

U general secretary ka UDP uba dei ruh u MLA barim jong ka Nongthymmai, u Bah Jemino Mawthoh u la iathuh ba ki la don lai tylli ki mat kiba kongsan ba ki la iakren ha ka jingialang, bad kita ki long halor ka jingjia ba dang shen ha Langpih kaba iadei bad u pud u sam, ka jingwanrah ia ka lynti rel sha ka jylla bad ka jingkyntiew ia ka ktien Khasi ha ka Eighth Schedule jong ka Constitution of India.

U la iathuh ba ka party UDP kan sa khot ia ka jingialang bad ka Regional Democratic Alliance (RDA), ka Hill State People’s Democratic Party (HSPDP) lashai ka sngi, ba kin ioh ban iasnohkti lang bad ka sorkar jylla ha kaba iadei bad kine ki mat ba kongsan.