“Yn pynshai ia ki surok ha Shillong,Tura da ka ding sngi”

Shillong, 11 Jylliew:
U Myntri Rangbah ka jylla u Mukul Sangma u la ong ba ka sorkar ka la sdang ban pyntreikam na ka bynta ban pyndonkam da ki ding sngi ha ki surok ha Shillong bad ha Tura.
“Ka pisa na ka bynta kane la dep ai bad ka Municipal Board ka la sdang ia ka kam”, la ong u Sangma haba jubab ia ka jingkylli hynne ka sngi Balang ha iing dorbar thawain.
U Myntri Rangbah u la ong ba ka ding sngi kan iarap ban pynduna ia ka jingpyndonkam na ka bording ba ioh na ka um, u dewiong.
U la iathuh ba ha u snem 2011-2012, la pyn bna ia ka prokram ban pyntreikam ia kine ki bor jingshai.
U la ong ba kumba 300 tylli ki ding sngi la pynieng ha Shillong bad 78 tylli ha Tura.
Ki jaka ba treikam ka ding sngi ki long ka Bivar Road, Bishop Cotton Road, Mahatma Gandhi Road, Keating Road, Laitumkhrah, Malki, Mawkhar, Mission, Compound, Jaiaw, Weiking, Motphran, behind Raj Bhavan, Lachaumiere, Laban, Lumparing, Police Bazar and Jail Road in Shillong Municipal Board, Mawlai and Lawsohtun, outside Shillong Municipal Board bad Rhino area, Anjalee area, Jhalupara bad Garikhana ha Cantonment Board.