Yn pynrung kyrteng vote ka ECI

Shillong, 9 Lber:
Ka East Khasi hills District Election Officer ka la pyntip ba ka Election Commission of India ka la buh ia ka Special Camp ha ka 15 tarik u Lber ban pynrung kyrteng thep vote thymmai ia kito kiba la shah weng kyrteng na ka Electoral Roll.
Baroh ki Booth Level Officers kin don ha man ki polling stations naduh ka 10 tarik Lber, 2014 haduh ka 15 tarik Lber, 2014 ba kin pyniaid ia ka jingpynrung kyrteng.
U DEO u la ong ba tang ba la don ia ka Elector’s Photo Identity Card (EPIC) kam mut ban ki la don kyrteng ha ka Electoral Roll la kyrpad ia ki paidbah ba kin bishar bha la ki biang ne em ha ka electoral Roll . Ka jingpynlong ia katei ka Special Camp ka long ban peit ia kiba dei ban weng bad ia ki bym dei ban weng. Ki paidbah ha katei ka sngi ki dei ban wanrah ia ki sakhi kiba biang ban pynshisha ia ki.