Nongpoh:Ki nongkitkam ka Umsning Town Durbar, ki la pynbna paidbah ba kin pynlong ia kawei ka Tamasa kaba ki la tip kum ka Carnival Fest Cum Fete 2022 kaba 3 sngi lynter bad ka ban sa sdang ha 24 haduh 26 tarik mynta u bnai ha madan Umsning.
U bah Rocky Kylla, Chairman ka UTD, u la ong ba ha katei ka Tamasa yn pynlong ha kata rukom kaba kham pher bad ha katei ka Tamasa kin sa don shibun ki kam pynbyrngia bad ki jingiakop ha ki jait jingialehkai bapher bapher, kaba yn lah ban iashimbynta na duh ki khyllung khynnah bad ki rangbah.
Utei u nong ialam ka UTD, u la buh ruh ia ka jingkyrpad ia kito kiba wan ban iashim bynta ha katei ka Tamasa ba kin iatrei lang bad ka shnong, nalorkata ba kim dei ban pynmih ia kino kino ki jingkulmar, khnang ba katei ka Tamasa kan long kaba shongkun bad kaba pynsngewtynnad ia baroh ki nongwan iashimbynta.
Phi don ban ong eiei?