Yn pynlong iakop rwai  ka HTCWO

Shillong, 17  Jylliew:
Ka Hynñiewtrep Cultural and Welfare Organisation (HTCWO) kan sa pynlong ïa ka jingïakop rwai khasi hapdeng ki skul ha u bnai Risaw, 2015.
Ka jingïakob rwai kalong ban  rwai marwei, kawei ka jingrwai, bad kawei ka rwai kynhun. Lah ban pyndonkam tang da ki tiar put tiar tem tynrai, kiba lah ban long kawei ne katno katno tylli ne khlem jingtem tang ka sur rwai khlem jingput jingtem. Ki khusnam ka long  da ka khusnam pisa bad ka syrnodia kiba wan ba nyngkong, baar bad balai.
Ka jingthmu ka seng ban pynlong ïa kane ka jingïakob rwai ka long ym dei tang ban sei ïa ki sap hynrei ban kynmaw ban nym klet ia ki jingtem jingput tynrai ka Bri U Hynñiewtrep.Da kane ka jingïakob rwai kan sa pynsuh thied kham skhem ha ka jingmut jingpyrkhat jong ki khynnah skul, namar ka jingngeit ka long ban pynneh, pynroi bad ban pynbha ia ka put ka tem tynrai jong ka jaidbynriew khnang ban ym shah tyllep ne jah noh ha kiwei kiwei ha ka pateng.
Ka seng ka kyrpad ia ki khlieh duh jong ki skul ka Bri U Hynñiewtrep ban ai lad ia ki khynnah ban iashim bynta lyngba ki skul jong ki, na ka bynta katei ka jingthmu ba kongsan.
Ka tarik ba ki skul kiba kwah ban ïashim bynta la buh ba kin ai jubab ha ka 30 tarik Jylliew, 2015 da kaba phone ha kine ki number: 9863027738/ 9863115465 / 9856008870 ne ha ka e-mail jong ka seng [email protected]