Shillong:Ka eksamin deled, kaba nyngkong ban pynlong da ka NIOS, kan long ha U Jymmang bad U Jylliew, ong ka khubor.
Katei ka long Katkum ka Notification No F-4-1 /2018/ NIOS/Eval./D.El.Ed/1075 dated 20-04-2018 kaba la soi da u C. Dharuman Director (Evaluation) ka NIOS ka la pynbna ia ka tarik examination deled 1st Semester jong ki nonghikai kiba la don ha ka kam ki bym pat tbit (untrained in-service teachers) kiba ialeh ia ka deled training ha kaba ka jing ai training ka dang iaid shait shait.
Ka NIOS ka la pynbna ia ka tarik long examin kan long ha 31 tarik U jymmang bad 2, 3 tarik jong u jylliew mynta u snem, ha ka 31 tarik kan dei ka Elementary Education in India Socio- Cultural Perspective (501) , 1 tarik Jylliew kan dei ka Pedagogic Processes in Elementary edcation (502) bad 2 tarik jylliew kan dei ka Learning Languages at Elementary Level (503) bad ka por long eksamin kan long naduh ka por 2.30 pm haduh 5.30 pm.
U Bah D Maring, Publicity Secretery, ka AMSSASTA Central Body, u ai khublei ia ki bor pyniaid jong ka NIOS halor kane ka jingpynbna ia ka tarik long examin ki nonghikai deled, namar bun ki nonghikai ki don hapdeng ka jing kulmar jingmut, khamtam eh hadien ba ka NIOS ka la pynbna ia ka tarik eksamin jong ki vocational bad regular deled ka ban sdang naduh ka 7, 8,9 ter ter bad bun ki nonghikai ki sngewthuh bakla ruh halor kane.