Shillong: Ka Meghalaya Board of School Education (MBOSE), Tura, ka pyntip ba yn pynlong ia ka eksamin ba kyrpang, na bynta kiba ialeh SSLC/HSSLC, 2021 bad ka daw, ka long namar ba ki dei kiba ioh pang covid lane kiba don ha ka jingshong kyrpang, lane kiba dei ki high risk primary contact, lane kiba shong ba sah, ha ki jaka ba shah khang dam bad na bynta kitei ki daw, ka dei ban don ka jing pyn shisha lyngba ki kot ki sla kiba biang.
Yn shah ia kito kiba ialeh ia katei ka eksamin, na bynta ki sobjek, kiba kim shym la ioh lad satia ban ialeh bad yn nym shah ba kin ialeh biang, ia kito ki sobjek, ba ki la dep ialeh bad la ong ruh ba tang kaba shu thep aplikeshon, kam dei satia ka lad, ban ioh iakhun ia kane ka eksamin kaba kyrpang ha kane ka sien kaba mynta.
Yn nym shah ruh ban kylla ia ki sobjek, na kito kiba la dep jia mynshwa bad kito kiba kwah kin thep kyrteng da kaba phah da ka email, ha shwa ka 21tarik Jylliew 2021.
Lah ban ioh ia ki phom, da kaba leit sha ka website jong ka www.mbose.in bad ia ka eksamin SSLC, dei ban phah ha ka [email protected], katba ia ka HSSLC, dei ban phah ha ka [email protected].
La bthah ruh ia kito kiba phah da ka email, ba kin phah ia ki kot ki sla, kiba pura ha ki ophis jong ka MBOSE ha Shillong, Tura bad ia ki tarik eksamin, yn sa pyntip kham hadien.
Phi don ban ong eiei?