Yn pynlong ain ia ka CAB, lada ka BJP, kan wan ha ka bor, ong U Modi

Guwahati: U Narendra Modi, myntri rangbahduh ka Ri, ula kren shai biang mynta ka sngi, ba ka sorkar BJP, kan pynlong ain beit ia ka ain  Citizenship (Amendment) Bill, lada kan thaw sorkar hadien ka 23tarik Jymmang 2019.

Ha ka jingialang paidbah ha Silchar, U Modi, u kren shai ba ia katei ka ain, yn pynlong ain ia ka, da ka jing ia syllok lem bad ki nongialam jong ka thain bad yn pynkylla ia ka, khnang ba kan nym ktah ia u paidlang ka Assam.